2.5 C
New York
Monday, October 3, 2022
HomeUncategorizedSolar System (സൗരയൂഥം)

Solar System (സൗരയൂഥം)

സൂര്യന്‍(Sun)
* ഭൂമിയുടെ ഏറ്റവും അടുത്തുള്ള നക്ഷത്രതമാണ്‌ സൂര്യന്‍.

* സൗരയൂഥത്തിലെ ഏറ്റവും വലിയ അംഗമായ സൂര്യന്‍ സൗരയൂഥത്തിന്റെ കേന്ദ്രഭാഗത്ത്‌ സ്ഥിതിചെയ്യുന്നു.

* സൗരയൂഥത്തിന്റെ ഊര്‍ജകേന്ദ്രമാണ്‌ സുര്യന്‍.

* സുര്യനെക്കുറിച്ചുള്ള പഠനമാണ്‌ ഹീലിയോളജി. ഗ്രീക്കു പുരാണങ്ങളില്‍ സൂര്യന്‍ ഹീലിയോസ്‌ എന്നും റോമന്‍ പുരാണങ്ങളില്‍ സോള്‍ എന്നും അറിയപ്പെടുന്നു.

* സൂര്യനില്‍നിന്ന്‌ പ്രകാശം ഭൂമിയിലെത്താന്‍ 500 സെക്കന്റ്‌ വേണ്ടിവരുന്നു.

* പോളിഷ്‌ ശാസ്ത്രജ്ഞനായ കോപ്പര്‍നിക്കസാണ് സരയൂഥത്തിന്റെ കേന്ദ്രം സൂര്യനാണെന്ന സിദ്ധാന്തം ശാസ്‌സ്ത്രീയമായി അവതരിപ്പിച്ചത്‌.

* സുര്യനും എട്ടു ഗ്രഹങ്ങളും 165 ലേറെ ഉപ്രഗഹങ്ങളും അഞ്ചു കുള്ളന്‍ ഗ്രഹങ്ങളും ചേര്‍ന്നതാണ്‌ സൗരയൂഥം.

* സൗരയൂഥത്തിന്റെ ഏറ്റവും അടുത്തുള്ള നക്ഷത്രമായ പ്രോക്സിമ സെന്റോറിയില്‍നിന്ന്‌ പ്രകാശം ഭൂമിയിലെത്താന്‍ 4.2 പ്രകാശവര്‍ഷമെടുക്കും.

* സുര്യന്‍ കഴിഞ്ഞാല്‍ ഭൂമിയില്‍നിന്ന്‌ കാണാന്‍ കഴിയുന്ന ഏറ്റവും തിളക്കമുള്ള നക്ഷത്രം സിറിയസാണ്‌. ഇത്‌ 8.6 പ്രകാശവര്‍ഷം അകലെയാണ്‌. 

* ഭുമിയുടെ വടക്കുദിശയില്‍ സ്ഥിതി ചെയ്യുന്ന നക്ഷത്രമാണ് ധ്രുവനക്ഷത്രം.

* ഭൂമിയുടെ വ്യാസത്തിന്റെ 109 മടങ്ങാണ്‌ സുര്യന്റെ വ്യാസം (1,392,000 കി.മീ.). 

* വ്യാഴത്തിന്റെ വ്യാസത്തിന്റെ 9.7 മടങ്ങാണ്‌ സൂര്യന്റെ വ്യാസം. ഭൂമിയെക്കാള്‍ 333000 മടങ്ങ്‌ ഭാരം കൂടിയതാണ്‌ സുര്യന്‍.

* സൗരയൂഥത്തില്‍ ഏറ്റവും കൂടുതല്‍ ഗുരുത്വാകര്‍ഷണം അനുഭവപ്പെടുന്നത്‌ സുര്യനിലാണ്‌. ഭൂമിയുടേതിനെക്കാള്‍ 27.9 മടങ്ങാണ്‌ സൂര്യനിലെ ഗുരുത്വാകര്‍ഷണം.

* സൂര്യനില്‍ ഏറ്റവും കൂടുതലുള്ള മൂലകം ഹൈഡ്രജനാണ്‌. 

* സൗരയൂഥത്തിന്റെ ആകെ പിണ്ഡത്തിന്റെ 99.86ശതമാനവും സൂര്യനിലാണ്‌. 

* അണുസംയോജനം വഴിയാണ്‌ സൂര്യനില്‍ ഊര്‍ജം ഉല്‍പാദിപ്പിക്കപ്പെടുന്നത്‌. വന്‍തോതില്‍ ഹൈഡ്രജന്‍ ഹീലിയമായി മാറിക്കൊണ്ടിരിക്കുന്ന ഒരു വന്‍ ആണവ നിലയമാണ്‌ സൂര്യന്‍. 

* സൂര്യനില്‍ ഏറ്റവും കുടുതലുള്ള രണ്ടാമത്തെ മൂലകം ഹീലിയമാണ്‌. സൂര്യനില്‍ പ്ലാസ്മാവസ്ഥയിലാണ്‌ ദ്രവ്യം സ്ഥിതി ചെയ്യുന്നത്‌.

* സൂര്യന്റെ ഉപരിതലത്തിലെ ശരാശരി താപനില 5505 ഡിഗ്രി സെല്‍ഷ്യസ്ധാണ്‌.

* ഏതാണ്ട്‌ 457 കോടി വര്‍ഷമാണ്‌ സൂര്യന്റെ പ്രായം. സൂര്യന്റെ ദൃശ്യമായ പ്രതലമാണ്‌ ഫോട്ടോസ്ഫിയര്‍. 

* സൂര്യന്റെ അന്തരീക്ഷത്തിലെ ഏറ്റവും മുകളിലത്തെ ഭാഗമാണ്‌ കൊറോണ. 

* സൂര്യന്റെ അന്തരീക്ഷത്തിലെ മധ്യഭാഗമാണ്‌ ക്രോമോസ്ഫിയര്‍.

* ഭൂമിയിലെ ഈര്‍ജത്തിന്റെ പ്രധാന ഉറവിടമാണ്‌ സൂര്യന്‍, സുര്യതപത്തിനു കാരണമാവുന്ന, സൂര്യപ്രകാശത്തില്‍ അടങ്ങിയിട്ടുള്ള കിരണങ്ങളാണ്‌ അള്‍ട്രാവയലറ്റ്‌ കിരണങ്ങള്‍.

* ഭൂമി സൂര്യനോട്‌ ഏറ്റവും അടുത്തുവരുന്ന ദിവസം ജനുവരി മൂന്നും ഏറ്റവും അകലെ വരുന്ന ദിവസം ജൂലൈ നാലുമാണ്‌.

* ഭൂമിയും സൂര്യനും തമ്മിലുള്ള ശരാശരി അകലം 15 കോടി കിലോമീറ്ററാണ്‌.

* സൂര്യനോട്‌ ഏറ്റവും അടുത്തു സ്ഥിതി ചെയ്യുന്ന ഗ്രഹം ബുധനും ഏറ്റവും അകലെ സ്ഥിതി ചെയ്യുന്നത്‌ നെപ്ട്യൂണുമാണ്‌.

* സൂര്യന്‍ കഴിഞ്ഞാല്‍ ഭൂമിയോട്‌ ഏറ്റവും അടുത്തുള്ള നക്ഷത്രം പ്രോക്സിമാ സെന്റോറിയാണ്‌. അതു കഴിഞ്ഞാല്‍ ആല്‍ഫാ സെന്റോറി.

* ഭൂമിയില്‍നിന്ന്‌ നോക്കിയാല്‍ ഏറ്റവും വലുപ്പത്തില്‍ കാണാന്‍ കഴിയുന്ന നക്ഷത്രം സൂര്യനാണ്‌. 

* സൂര്യന്‍ കഴിഞ്ഞാല്‍ ഭൂമിയില്‍നിന്ന്‌ നോക്കിയാല്‍ ഏറ്റവും വലുപ്പത്തില്‍ കാണാന്‍ കഴിയുന്ന നക്ഷത്രം സിറിയസാണ്‌. ഇത്‌ ഡോഗ്‌ സ്റ്റാര്‍ എന്നും അറിയപ്പെടുന്നു.

* സൂര്യന്‍ കഴിഞ്ഞാല്‍ ആകാശത്ത്‌ കാണുന്ന ഏറ്റവും തിളക്കമുള്ള നക്ഷത്രവും സിറിയസാണ്‌.

* അറിയപ്പെടുന്നവയില്‍വച്ച്‌ ഏറ്റവും വലിയ നക്ഷത്രമാണ്‌ വി.വൈ. കാനിസ്‌ മേജര്‍.

* സൗരക്കാറ്റുകള്‍ ഉണ്ടാകുന്നത്‌ പതിനൊന്ന്‌ വര്‍ഷത്തിലൊരിക്കലാണ്‌.

* സൂര്യന്‌ ക്ഷീരപഥത്തിന്റെ കേന്ദ്രത്തെ ഒരു തവണ വലംവയ്ക്കാന്‍ ആവശ്യമായ സമയമാണ്‌ കോസ്മിക്‌ ഇയര്‍.

* സൂര്യനില്‍നിന്നുള്ള അകലത്തിന്റെ അടിസ്ഥാനത്തില്‍ ഗ്രഹങ്ങളുടെ ക്രമം ഇപ്രകാരമാണ്‌- ബുധന്‍, ശുക്രന്‍, ഭൂമി, ചൊവ്വ, വ്യാഴം, ശനി, യുറാനസ്‌, നെപ്റ്റ്യൂൺ.

* വലിപ്പത്തിന്റെ അടിസ്ഥാനത്തില്‍ ഗ്രഹങ്ങളുടെ ക്രമം ഇപ്രകാരമാണ്‌- വ്യാഴം, ശനി, യുറാനസ്‌, നെപ്റ്റ്യൂൺ, ഭൂമി, ശുക്രന്‍, ചൊവ്വ, ബുധന്‍.

* സൂര്യനില്‍നിന്നുള്ള അകലം അനുസരിച്ച്‌ ആദ്യത്തെ നാലു ഗ്രഹങ്ങളെ ആന്തര ഗഹങ്ങള്‍ എന്നും അകലെയായി സ്ഥിതി ചെയ്യുന്ന നാലെണ്ണത്തെ ബാഹ്യ ഗ്രഹങ്ങള്‍ എന്നും വിളിക്കുന്നു. 

* ബാഹ്യഗ്രഹങ്ങള്‍ വാതക ഭീമന്‍മാര്‍ എന്നും അറിയപ്പെടുന്നു.

* ഇന്‍ഫീരിയര്‍ ഗ്രഹങ്ങള്‍ എന്നറിയപ്പെടുന്നത്‌ ബുധനും ശുക്രനുമാണ്‌. ചൊവ്വ മുതല്‍ നെപ്റ്റ്യൂൺ വരെയുള്ളവ സുപ്പീരിയര്‍ ഗ്രഹങ്ങള്‍ എന്നറിയപ്പെടുന്നു. ഭൂമിയെ
അടിസ്ഥാനമാക്കിയുള്ള സ്ഥാനമനുസരിച്ചാണ്‌ ഈ തരംതിരിക്കല്‍.

* യുറാനസും നെപ്റ്റ്യൂണും ആധുനിക ഗ്രഹങ്ങളെന്നും മറ്റു ഭൗമേതര ഗ്രഹങ്ങള്‍ (ബുധന്‍, ശുക്രന്‍, ചൊവ്വ, വ്യാഴം, ശനി) ക്ലാസിക്കല്‍ ഗ്രഹങ്ങള്‍ എന്നും അറിയപ്പെടുന്നു.

* പ്ലാനറ്റ്‌ എന്ന വാക്കിനര്‍ഥം അലഞ്ഞുതിരിയുന്നവന്‍ എന്നാണ്‌.

ബുധന്‍ (Mercury)
* ഏറ്റവും ചെറിയ ഗ്രഹമാണ്‌ ബുധന്‍(വ്യാസം 4800 കി.മീ.). ഇത്‌ ആകാശത്തിലെ മറുത എന്നറിയപ്പെടുന്നു.

* ഏറ്റവും കുറഞ്ഞ സമയംകൊണ്ട്‌ സുര്യനെ പ്രദക്ഷിണം ചെയ്യുന്ന ഗ്രഹമാണിത്‌. 

* ഭൂമിയിലെ 88 ദിവസങ്ങള്‍കൊണ്ടാണ്‌ ബുധന്‍ ഒരു പ്രാവശ്യം സൂര്യനെ ചുറ്റുന്നത്‌.

* ഏറ്റവും വേഗത്തില്‍ പ്രദക്ഷിണം ചെയ്യുന്ന ഗ്രഹവും ബുധനാണ്‌.

* ബുധന് ഉപഗ്രഹമില്ല. ഇതേ പ്രത്യേകതയുള്ള മറ്റൊരു ഗ്രഹമാണ്‌ ശുക്രന്‍.

* പ്രദക്ഷിണപഥത്തിന്‌ വൃത്താകൃതി ഏറ്റവും കുറഞ്ഞ. ഗ്രഹമാണ്‌ ബുധന്‍ (0.21).

* ഏറ്റവും സാന്ദ്രത കൂടിയ രണ്ടാമത്തെ ഗ്രഹമാണ്‌ മെര്‍ക്കുറി.

* സൂര്യനോട്‌ ഏറ്റവും അടുത്തു സ്ഥിതി ചെയ്യുന്ന ഗ്രഹമാണ്‌ ബുധന്‍.

* ഏറ്റവും കുടുതല്‍ താപവ്യതിയാനം അനുഭവപ്പെടുന്ന ഗ്രഹമാണ്‌ ബുധന്‍. പകല്‍ ബുധന്റെ താപനില 400 ഡിഗ്രി സെല്‍ഷ്യസ്‌ വരെ ഉയരുകയും രാത്രിയില്‍ മൈനസ്‌ 180 ഡിഗി സെല്‍ഷ്യസ്‌ വരെ താഴുകയും ചെയ്യുന്നു.

* പലായന പ്രവേഗം ഏറ്റവും കുറഞ്ഞ ഗ്രഹമാണ്‌ ബുധന്‍.

* ബുധനെക്കുറിച്ച്‌ പഠിക്കാന്‍ നാസ 2004- ആഗസ്തില്‍ വിക്ഷേപിച്ച ദൌത്യമാണ്‌ മെസഞ്ചര്‍  (MErcury Surface SpaceENvironment GEochemistry and Ranging).

* റോമന്‍ മിതോളജിയിലെ സന്ദേശ വാഹക ദേവനാണ്‌ മെര്‍ക്കുറി. ഇതിനു സമാനമായ ഗ്രീക്ക്‌ ദേവനാണ്‌ ഫെര്‍മിസ്‌.

* 58.65 ദിവസംകൊണ്ട്‌ സ്വയം ഭ്രമണവും 87.97 ദിവസം കൊണ്ട്‌ പ്രദക്ഷിണവും പൂര്‍ത്തിയാക്കുന്ന ഗ്രഹമാണ്‌ ബുധന്‍

ശുക്രന്‍ (Venus)
* പ്രഭാത നക്ഷത്രം, പ്രദോഷ നക്ഷ്രതം എന്നീ അപരനാമങ്ങളുള്ള ഗ്രഹമാണ്‌ ശുക്രന്‍.

* ഏറ്റവും ചൂടുകൂടിയ ഗ്രഹം ശുക്രനാണ്‌. ഇതിനുകാരണം കട്ടികൂടിയ അന്തരീക്ഷമുള്ളതിനാല്‍ അനുഭവപ്പെടുന്ന ഹരിത ഗൃഹ വാതക പ്രഭാവമാണ്‌.

* ഏറ്റവും വൃത്താകാരമായ പ്രദക്ഷിണപദമുള്ള ഗ്രഹമാണ്‌ ശുക്രന്‍. 

* പ്രദക്ഷിണപഥത്തിന്റെ വൃത്താകൃതിയുടെ നിരക്ക്‌ ഇപ്രകാരമാണ്‌-ബുധന്‍; 0.21, ചൊവ്വ; 0.093, ശനി 0.056, വ്യാഴം 0.048, യുറാനസ്‌ 0.047, ഭൂമി 0.017, നെപ്റ്റ്യൂണ്‍ 0.0086, ശുക്രന്‍ 0.0068.

* സൂര്യപ്രകാശത്തെ ഏറ്റവും കുടുതല്‍ പ്രതിഫലിപ്പിക്കുന്ന ഗ്രഹവും ശുക്രനാണ്‌.

* ഭൂമിയുടേതിനു സമാനമായ വലിപ്പമുള്ളതിനാല്‍ (വ്യാസം 12,107 കി.മീ.) ഭൂമിയുടെ ഇരട്ട, ഭൂമിയുടെ സഹോദര ഗ്രഹം എന്നീ അപരനാമങ്ങളില്‍ അറിയപ്പെടുന്ന ഗ്രഹമാണ്‌ ശുക്രന്‍.

* ഭൂമിയില്‍നിന്ന്‌ നോക്കുമ്പോള്‍ ചന്ദ്രന്‍ കഴിഞ്ഞാല്‍ ഏറ്റവും തിളക്കമുള്ള ആകാശഗോളം ശുക്രനാണ്‌.

* ഭൂമിയുടെ ഏറ്റവും അടുത്തുള്ള ഗ്രഹമാണ്‌ ശുക്രന്‍.

* പ്രണയത്തിന്റെയും സൌന്ദര്യത്തിന്റെയും റോമന്‍ ദേവതയായ വീനസിന്റെ പേരില്‍ അറിയപ്പെടുന്ന ഗ്രഹമാണിത്‌, ഇതിനു സമാനമായ ഗ്രീക്കു ദേവതയാണ്‌ ആഫ്രോഡൈറ്റ്.

* വനിതാ നാമമുള്ള ഏക ഗ്രഹമാണ്‌ വീനസ്‌.

* സൂര്യന്‍ പടിഞ്ഞാറുദിച്ച്‌ കിഴക്ക്‌ അസ്തമിക്കുന്ന ഗ്രഹമാണ്‌ ശുക്രന്‍. മറ്റു ഗ്രഹങ്ങള്‍ പ്രദക്ഷിണം ചെയ്യുന്നതിന്റെ വിപരീത ദിശയില്‍ സഞ്ചരിക്കുന്ന ഗ്രഹമാണ്‌ ശുക്രന്‍.

* ടെലസ്‌കോപ്പില്‍ പൂര്‍ണപരാജയം എന്നു കരുതപ്പെടുന്ന ഗ്രഹമാണ്‌ ശുക്രന്‍.

* സുര്യനെ പ്രദക്ഷിണം ചെയ്യുന്നതിനെക്കാള്‍ (224.7 ദിവസം) സമയം സ്വയം ഭ്രമണത്തിന്‌ (243 ദിവസം) ആവശ്യമായ ഗ്രഹമാണ്‌ ശുക്രന്‍. മറ്റൊരര്‍ത്ഥത്തില്‍ പറഞ്ഞാല്‍ വര്‍ഷത്തെക്കാള്‍ ദിവസത്തിന്‌ ദൈര്‍ഘ്യമുള്ള ഗ്രഹമാണ്‌ ശുക്രന്‍. 

* ഏറ്റവും ദൈര്‍ഘ്യം കൂടിയ ദിനരാത്രങ്ങളുള്ള ഗ്രഹമാണ്‌ ശുക്രന്‍.

* സോവിയറ്റ്‌ യുണിയന്‍ വിനേറ പേടകങ്ങള്‍ വിക്ഷേപിച്ചത്‌ ശുക്രനെക്കുറിച്ച്‌ പഠിക്കാനാണ്‌. 

* വിനേറ-1 ആണ്‌ ശുക്രന്റെ അരികിലൂടെ പറന്ന ആദ്യത്തെ മനുഷ്യനിര്‍മിത പേടകം.

* മറ്റൊരു ഗ്രഹത്തിലിറങ്ങിയ ആദ്യത്തെ ബഹിരാകാശപേടകമാണ്‌ വിനേറ-7

* ലക്ഷ്മി പ്ലാനം എന്ന പീഠഭൂമി ശുക്രനിലാണ്‌.

* ശുക്രന്റെ അന്തരീക്ഷത്തില്‍ ഏറ്റവും കൂടുതലുള്ള വാതകം കാര്‍ബണ്‍ ഡയോക്സൈഡാണ്‌.

* ശുക്രനിലെ ഏറ്റവും ഉയരം കൂടിയ കൊടുമുടിയാണ്‌ മാക്‌സ്‌വെൽ മോണ്ടസ്‌. പ്രശസ്ത ഭൗതിക ശാസ്ത്രജഞനായ ജെയിംസ്‌ ക്ലര്‍ക്‌ മാക്‌സ്‌വെല്ലിന്റെ സ്മരണാര്‍ഥമാണ്‌ ഈ നാമകരണം.

ഭൂമി (Earth)
* ഇംഗ്ലീഷ്‌ പേരിന്‌ റോമന്‍, ഗ്രീക്കു പുരാണങ്ങളുമായി ബന്ധമില്ലാത്ത ഏക ഗ്രഹമാണ്‌ ഭൂമി. ടെറാ എന്ന പേരില്‍ അറിയപ്പെടുന്ന ഗ്രഹമാണിത്‌.

* ജീവന്റെ സാന്നിധ്യമുള്ള ഏക ഗ്രഹം ഭൂമിയാണ്‌.

* അന്തര്‍ഗ്രഹങ്ങളില്‍ ഏറ്റവും വലുത്‌ ഭൂമിയാണ്‌.

* ഒരു ഉപഗ്രഹം മാത്രമുള്ള ഏക ഗ്രഹമാണ്‌ ഭൂമി. ഇത്‌ നീല്രഗഹം എന്നും അറിയപ്പെടുന്നു. ജലത്തിന്റെ സാന്നിധ്യമാണ്‌ ഭൂമിയുടെ നീലനിറത്തിന്‌ കാരണം.

* ഏറ്റവും സാന്ദ്രത കൂടിയ ഗ്രഹം ഭൂമിയാണ്‌ (5.5).

* 454 കോടി വര്‍ഷങ്ങള്‍ പ്രായമുള്ള ഭൂമിയിലെ ശരാശരി താപനില 14 ഡിഗ്രി സെല്‍ഷ്യസാണ്‌.

ചൊവ്വ (Mars) 
* റോമാക്കാരുടെ യുദ്ധദേവനായ മാഴ്സിന്റെ പേരില്‍ അറിയപ്പെടുന്ന ഗ്രഹമാണിത്‌. * മാഴ്സിനു സമാനമായ ഗ്രീക്കു ദേവനാണ്‌ ഏരിസ്‌. 6794 കി.മീ. ആണ്‌ വ്യാസം.

* ചുവന്ന ഗ്രഹം എന്നും ചൊവ്വ അറിയപ്പെടുന്നു. 

* ഇരുമ്പിന്റെ സാന്നിധ്യമാണ്‌ ചൊവ്വയ്ക്ക്‌ ചുവപ്പുനിറം നല്‍കുന്നത്‌.

* തുരുമ്പിച്ച ഗ്രഹം എന്നറിയപ്പെടുന്നത്‌ ചൊവ്വയാണ്‌. 

* ദെയ്മോസ്‌ , ഫോബോസ്‌ എന്നീ രണ്ട്‌ ഉപഗ്രഹങ്ങളാണ്‌ ചൊവ്വയ്ക്കുള്ളത്‌. 

* കറുത്ത ച്രന്ദന്‍ എന്നറിയപ്പെടുന്നത്‌ ഫോബോസാണ്‌.

* ഭൂമിയുടേതുപോലെ ധ്രുവങ്ങളില്‍ ഐസ്‌ പാളികളുള്ള ഗ്രഹമാണ്‌ ചൊവ്വ.

* സൌരയൂഥത്തിലെ ഏറ്റവും വലിയ മലയിടുക്കായ വാലിസ്‌ മറൈനെറിസ്‌ (Valles Marineris), സൌരയൂഥത്തിലെ ഏറ്റവും ഉയരം കൂടിയ കൊടുമുടിയായ ഒളിമ്പസ്‌ മോൺസ്‌ (Olympus Mons) എന്നിവ ചൊവ്വയിലാണ്‌,

* ചൊവ്വയ്ക്ക്‌ സ്വയം ഭ്രമണത്തിനാവശ്യമായ സമയം ഭൂമിയുടേതിനു സമാനമാണ്‌ (24 മണിക്കൂര്‍ 37 മിനിട്ട്‌)

* അന്തര്‍ഗ്രഹങ്ങളില്‍ സൂര്യനില്‍നിന്ന്‌ ഏറ്റവും അകലെയായി സ്ഥിതി ചെയ്യുന്നത്‌ ചൊവ്വയാണ്‌.

* ബുധന്‍ കഴിഞ്ഞാല്‍ പ്രദക്ഷിണപഥത്തിന്‌ ഏറ്റവും വൃത്താകൃതി കുറഞ്ഞ ഗ്രഹം ചൊവ്വയാണ്‌ (0.093).

* അച്ചുതണ്ടിന്റെ ചരിവ്‌ ഭൂമിയുടേതിനു സമാനമായതും ഭൂമിയിലേതുപോലെ ഋതുക്കള്‍ അനുഭവപ്പെടുന്നതുമായ ഗ്രഹമാണ്‌ ചൊവ്വ.

* മറ്റൊരു ഗ്രഹത്തെ പ്രദക്ഷിണം ചെയ്ത ആദ്യത്തെ മനുഷ്യനിര്‍മിത പേടകം അമേരിക്കയുടെ മറീനര്‍-9 ആണ് 

* ചൊവ്വാ ഗ്രഹത്തെ നിരീക്ഷിക്കാന്‍ 1975-ല്‍ അമേരിക്ക അയച്ച പര്യവേഷണ വാഹനമാണ്‌ വൈക്കിംഗ്‌.

* ചൊവ്വയെക്കുറിച്ച്‌ പഠിക്കാന്‍ നാസ വിക്ഷേപിച്ചത്‌ പാത്ത്‌ ഫൈന്‍ഡര്‍.

* സ്വയം ഭ്രമണത്തിന്‌ 24.62 മണിക്കൂര്‍ ആവശ്യമായ ചൊവ്വയ്ക്ക്‌ 686.93 ദിവസംകൊണ്ട്‌ പ്രദക്ഷിണം പൂര്‍ത്തിയാക്കുന്നു.

* കാള്‍ സാഗന്‍ സ്പേസ്‌ സ്റ്റേഷന്‍ ചൊവ്വയിലാണ്‌. 

* കൊളംബിയ ദുരന്തത്തില്‍ മരണമടഞ്ഞവരുടെ സ്മരണാര്‍ഥമുള്ള കൊളംബിയ മെമ്മോറിയല്‍ സ്റ്റേഷന്‍ ചൊവ്വയിലാണ്‌.

* 2013 നവംബര്‍ 5ന് ഇന്ത്യയുടെ ചൊവ്വാ പര്യവേഷണ വാഹനമായ മംഗള്‍യാന്‍ (മാഴ്‌സ് ഓര്‍ബിറ്റര്‍ മിഷന്‍) വിക്ഷേപിച്ചു. 

* 2014 സെപ്റ്റംബര്‍ 24ന് ചൊവ്വയുടെ ഭ്രമണ പഥത്തില്‍ എത്തിച്ചേര്‍ന്നു. അങ്ങനെ ആദ്യ ശ്രമത്തില്‍ തന്നെ ചൊവ്വയുടെ ഭ്രമണ പഥത്തില്‍ എത്തുന്ന ആദ്യ രാജ്യമായി ഇന്ത്യമാറി. 

വ്യാഴം (Jupiter)
* സൌരയൂഥത്തിലെ ഏറ്റവും വലുപ്പം കൂടിയ ഗ്രഹമാണ്‌വ്യാഴം. 142,983 കി.മീറ്ററാണ്‌ വ്യാസം.

* ബാഹ്യഗ്രഹങ്ങളില്‍ സൂര്യനോട് ഏറ്റവും അടുത്തു സ്ഥിതി ചെയ്യുന്നത്‌ വ്യാഴമാണ്‌.

* ഏറ്റവും വേഗത്തില്‍ ഭ്രമണം ചെയ്യുന്ന ഗ്രഹമായ വ്യാഴത്തിനാണ്‌ ഏറ്റവും ദൈര്‍ഘ്യം കുറഞ്ഞ ദിനരാത്രങ്ങളുള്ളത്‌.

* ഗുരുത്വാകര്‍ഷണബലം ഏറ്റവും കൂടിയ ഗ്രഹമായ വ്യാഴത്തിലാണ്‌ വസ്തുക്കള്‍ക്ക്‌ ഏറ്റവും കുടുതല്‍ ഭാരവും ഏറ്റവും ഉയര്‍ന്ന പലായന പ്രവേഗനിരക്കും അനുഭവപ്പെടുന്നത്‌.

* വ്യാഴവും അതിന്റെ ഉപഗ്രഹങ്ങളും ചേര്‍ന്ന്‌ ചെറു സൌരയൂഥം എന്നറിയപ്പെടുന്നു.

* വ്യാഴത്തിന്റെ ഉപഗ്രഹങ്ങളായ അയോ, യൂറോപ്പ, ഗാനിമീഡ്‌, കാലിസ്റ്റോ എന്നിവയാണ്‌ ഗലീലിയന്‍ ഉപഗ്രഹങ്ങള്‍ എന്നറിയപ്പെടുന്നത്‌. 1610-ല്‍ ഗലീലിയോ ആണ്‌ ഇവയെ കണ്ടെത്തിയത്‌.

* സൌരയൂഥത്തിലെ ഏറ്റവും വലിയ ഗ്രഹമാണ്‌ ഗാനിമീഡ്‌. ഏറ്റവും സാന്ദ്രത കൂടിയ ഉപഗ്രഹമാണ്‌ അയോ.

* സജീവ അഗ്നിപര്‍വതങ്ങളുള്ള ഉപഗ്രഹമാണ്‌ അയോ.

* ഏറ്റവും കൂടുതല്‍ ഉപ്രഗഹങ്ങളുള്ള ഗ്രഹമാണ്‌ വ്യാഴം.

* ഇതുവരെ വ്യാഴത്തിന്റെ 65 ഉപ്രഗഹങ്ങളെ കണ്ടെത്തിയിട്ടുണ്ട്‌.

* ഗ്രേറ്റ്‌ റെഡ്‌ സ്പോട്ട്‌, ലിറ്റില്‍ റെഡ്‌ സ്പോട്ട്‌ എന്നിവ വ്യാഴത്തിലാണ്‌ കാണപ്പെടുന്നത്‌. 

* സൌരയൂഥത്തിലെ അറിയപ്പെടുന്ന ഏറ്റവും വലിയ പ്രതിച്രകവാതമാണ്‌ ഗ്രേറ്റ്‌ റെഡ്‌ സ്പോട്ട്‌.

* സൌരയൂഥത്തിലെ പ്രശസ്തമായ ഛിന്നഗ്രഹ ബെൽറ്റ്‌ ചൊവ്വ, വ്യാഴം എന്നീ ഗ്രഹങ്ങള്‍ക്കിടയിലാണ്‌. 

* ഏറ്റവും വലിയ ഛിന്ന ഗ്രഹമാണ്‌ സിറിസ്‌.

* വ്യാഴത്തെക്കുറിച്ച്‌ പഠിക്കാന്‍ 1989-ല്‍ ഗലീലിയോ പേടകം വിക്ഷേപിച്ചത്‌ അമേരിക്കയാണ്‌.

* റോമന്‍ മിതോളജിയില്‍ സ്വര്‍ഗത്തിന്റെ അധിദേവനാണ്‌ ജൂപ്പിറ്റര്‍, സമാനമായ ഗ്രീക്ക്‌ ദേവന്‍ സീയുസ്‌.

* ഭാരതീയ സങ്കല്‍പത്തിലെ ബൃഹസ്പതി വ്യാഴമാണ്‌.

* 9.8 മണിക്കൂര്‍ കൊണ്ട്‌ സ്വയം ഭ്രമണം പൂര്‍ത്തിയാക്കുന്ന വ്യാഴത്തിന്‌ ഒരു പ്രാവശ്യം സുര്യനെ വലംവയ്ക്കാന്‍ 11.86 വര്‍ഷം വേണം. ഈ കാലയളവ്‌ ഒരു വ്യാഴവട്ടം എന്നറിയപ്പെടുന്നു.

* 1994-ല്‍ വ്യാഴത്തില്‍ പതിച്ച വാല്‍നക്ഷ്ധ്രമാണ്‌ ഷുമാക്കർ ലേവി-9

ശനി (Saturn)
* സൌരയൂഥത്തിലെ ഗ്രഹങ്ങളില്‍ വലുപ്പത്തില്‍ രണ്ടാം സ്ഥാനമാണ്‌ ശനിക്ക്‌. ആകര്‍ഷകമായ വലയങ്ങളുള്ള ഗ്രഹമാണിത്‌. 

* 120,536 കിലോമീറ്ററാണ്‌ വ്യാസം.

* ഏറ്റവും സാന്ദ്രത കുറഞ്ഞ ഗ്രഹമാണ്‌ ശനി. ജലത്തെക്കാള്‍ സാന്ദ്രത കുറവാണ്‌ ശനിക്ക്‌.

* ഗുരുത്വാകര്‍ഷണനിരക്ക്‌ ഭൂമിയുടേതുമായി ഏറ്റവും സമാനമായ ഗ്രഹമാണ്‌ ശനി.  ഭൂമിയില്‍ 60 കിലോഗ്രാം ഭാരമുള്ള ഒരാളിന്‌ ശനിയില്‍ 63.8 കിലോഗ്രാമായിരിക്കും ഭാരം.

* ടെലിസ്‌കോപ്പിന്റെ സഹായമില്ലാതെ കണ്ടെത്തിയ ഏറ്റവും അകലെയുള്ള ഗ്രഹമാണ്‌ ശനി.

* ഡ്രാഗണ്‍ സ്റ്റോം, ഗ്രേറ്റ്‌ വൈറ്റ്‌ സ്പോട്ട്‌ എന്നീ കൊടുങ്കാറ്റ്‌ മേഖലകള്‍ ശനിയിലാണ്‌.

* ശനിയുടെ ദക്ഷിണാര്‍ധ ഗോളത്തില്‍ വീശുന്ന കൊടുങ്കാറ്റ്‌ ശൃംഖലയാണ്‌ ഡ്രാഗണ്‍ സ്റ്റോം. 

* ശനിയുടെ ഉത്തരാര്‍ധ ഗോളത്തില്‍ ഇടയ്ക്കിടെ പ്രതൃക്ഷപ്പെടുന്ന വന്‍കൊടുങ്കാറ്റ്‌ മേഖലയാണ്‌ ഗ്രേറ്റ്‌ വൈറ്റ്‌ സ്പോട്ട്‌.

* ഗ്രിക്കുപുരാണങ്ങളിലെ കഥാപാത്രങ്ങളുടെ പേരാണ്‌ ശനിയുടെ ഉപഗ്രഹങ്ങള്‍ക്ക്‌ നല്‍കിയിരിക്കുന്നത്‌.

* തെഥിസ് , മിമാസ്‌, ടൈറ്റന്‍, റിയ, ഡിയോണെ, ഫീബ്‌, ജാനസ്‌, പാന്‍ഡോറ, ഹെലന്‍, പ്രൊമിത്യൂസ്‌, അറ്റ്ലസ്‌, കാലിപ്സോ, പാന്‍ എന്നിവയാണ്‌ ശനിയുടെ പ്രധാന ഉപഗ്രഹങ്ങള്‍.

* സൌരയൂഥത്തിലെ ഏറ്റവും വലിയ രണ്ടാമത്തെ ഉപഗ്രഹമാണ്‌ ടൈറ്റന്‍. 

* വ്യക്തമായ അന്തരീക്ഷമുള്ള ഉപഗ്രഹമാണ്‌ ടൈറ്റന്‍. ഭൂമിയുടെ അപരന്‍ എന്നറിയപ്പെടുന്നത്‌ ടൈറ്റനാണ്‌. 

* ക്രിസ്ത്യന്‍ ഹൈജന്‍സാണ്‌ ടൈറ്റനെ കണ്ടെത്തിയത്‌.

* ശനിയെയും ഉപ്ഗ്രങ്ങളെയും കുറിച്ച്‌ പഠിക്കാന്‍ വിക്ഷേപിച്ചതാണ്‌ കാസിനി-ഹൈജന്‍സ്‌ ദൗത്യം.

* ശനി ഗ്രഹത്തിന്റെ സമീപം ആദ്യമായെത്തിയ ബഹിരാകാശ വാഹനമാണ്‌ അമേരിക്കയുടെ പയനിയര്‍-1.

* സാറ്റേണിനു സമാനമായ ഗ്രീക്കു ദേവനാണ്‌ ക്രോണസ്‌ (സമയത്തിന്റെ അധിദേവന്‍). റോമന്‍പുരാണങ്ങളില്‍കൃഷിയുടെ അധിദേവനാണ്‌ സാറ്റേണ്‍.

* 10.2 മണിക്കൂര്‍കൊണ്ട്‌ സ്വയംഭ്രമണം പൂര്‍ത്തിയാക്കുന്ന ശനിക്ക്‌ സുര്യനെ വലംവയ്ക്കാന്‍ 29.46 വര്‍ഷം വേണം.

യുറാനസ്‌ (Uranus)
* ടെലിസ്‌കോപ്പിന്റെ സഹായത്തോടെ കണ്ടെത്തിയ ആദ്യത്തെ ഗ്രഹമാണ്‌ യുറാനസ്‌. 

* സൌരയൂഥത്തിലെ ഗ്രഹങ്ങളില്‍ വലുപ്പത്തില്‍ മൂന്നാം സ്ഥാനത്താണ്‌ ഈ ഗ്രഹം. 51117 കിലോമീറ്ററാണ്‌ വ്യാസം.

* 1781-ല്‍ വില്യം ഹെര്‍ഷലാണ്‌ ഇത്‌ കണ്ടെത്തിയത്‌. ടെലിസ്‌കോപ്പിന്റെ സഹായത്തോടെ കണ്ടെത്തിയ ആദ്യ ഗ്രഹമാണിത്‌.

* വില്യം ഷേക്‌സ്പിയര്‍, അലക്സാണ്ടര്‍ പോപ്പ്‌ എന്നിവരുടെ കൃതികളിലെ കഥാപാത്രങ്ങളുടെ പേരുകളാണ്‌ യുറാനസിന്റെ ഉപഗ്രഹങ്ങള്‍ക്ക്‌ നല്‍കിയിരിക്കുന്നത്‌.

* ഏരിയല്‍, അംബ്രിയേല്‍, ടൈറ്റാനിയ, ഒബറോണ്‍, മിരാന്‍ഡ, കാലിബാന്‍, ജൂലിയറ്റ്‌, ഡെസ്ഡിമോണ, പ്രോസ്‌പെറോ, ബിയാന്‍ഡ എന്നിവ യുറാനസിന്റെ ഉപഗ്രഹങ്ങളാണ്‌.

* പച്ച ഗ്രഹം എന്നറിയപ്പെടുന്നത്‌ യുറാനസാണ്‌.

* ധ്രുവപ്രദേശം സൂര്യന്‌ അഭിമുഖമായിട്ടാണ്‌ യുറാനസ്‌ പ്രദക്ഷിണം ചെയ്യുന്നത്‌. 

* അച്ചുതണ്ടിന്‌ ഏറ്റവും കൂടുതല്‍ ചരിവുള്ള ഗ്രഹമാണിത്‌ (97.77ഡിഗ്രി) . 

* ഉരുളുന്നഗ്രഹം എന്നറിയപ്പെടുന്നു. കിടക്കുന്ന ഗ്രഹം എന്ന അപരനാമവും യുറാനസിനുണ്ട്‌.

* ഏറ്റവും കൂടുതല്‍ തണുപ്പനുഭവപ്പെടുന്നത്‌ യൂറാനസിലാണ്‌ (മൈനസ്‌ 224).

* ഉപഗ്രഹങ്ങളുടെ എണ്ണത്തില്‍ മൂന്നാം സ്ഥാനത്തുള്ള ഗ്രഹമാണ്‌ യുറാനസ്‌.

* യുറാനസിനെ അരുണന്‍ എന്നു വിളിക്കുന്നു. 

* യുറാനസിന്റെ അന്തരീക്ഷത്തില്‍ ഏറ്റവും കുടുതലുള്ളത്‌ ഹൈഡ്രജനാണ്‌.

* ഏറ്റവും സാന്ദ്രത കുറഞ്ഞ രണ്ടാമത്തെ ഗ്രഹമാണ്‌ യുറാനസ്‌.

* ഗ്രീക്കു പുരാണങ്ങളിലെ ആകാശദേവനാണ്‌ യുറാനസ്‌. സമാനമായ റോമന്‍ ദേവന്‍ Caelus. ഗ്രീക്കു ദേവന്റെ പേരുള്ള ഏക ഗ്രഹമാണ്‌ യുറാനസ്‌.

* യൂറാനസിന്‌ സ്വയംഭ്രമണത്തിന്‌ 17.9 മണിക്കൂറും പ്രദക്ഷിണത്തിന്‌ 83.75 വര്‍ഷവും ആവശ്യമാണ്‌.

നെപ്റ്റ്യൂൺ (Neptune)
* സൂര്യനില്‍നിന്ന്‌ ഏറ്റവും അകലെ സ്ഥിതി ചെയ്യുന്ന ഗ്രഹമാണ്‌ നെപ്റ്റ്യൂൺ.

* ബാഹ്യഗ്രഹങ്ങളില്‍ ഏറ്റവും ചെറുത്‌ നെപ്റ്റ്യൂണാണ്‌. 49,527 കിലോമീറ്ററാണ്‌ വ്യാസം.

* 1846 സെപ്തംബര്‍ 23 ന്‌ നെപ്റ്റ്യൂൺ ഗ്രഹത്തെ കണ്ടെത്തിയത്‌ അര്‍ബെയിന്‍ വെരിയര്‍ (Urbain Le Verrier), ജോണ്‍ കൗച്ച്‌ ആദംസ്‌ (John Couch Adams), ജൊഹാന്‍ ഗാലെ (Johann Galle) എന്നിവര്‍ ചേര്‍ന്നാണ്‌.

* ഏറ്റവും വേഗത്തില്‍ കാറ്റു വീശുന്ന ഗ്രഹമാണ്‌ നെപ്റ്റ്യൂൺ. 

* മീഥേനിന്റെ സാന്നിധ്യം കാരണം നെപ്റ്റ്യൂൺ നീലനിറത്തില്‍ കാണപ്പെടുന്നു.

* സ്വാതന്ത്ര്യം, സമത്വം, സാഹോദര്യം എന്നീ പേരുകളുള്ള വലയങ്ങളുള്ള ഗ്രഹമാണ്‌ നെപ്റ്റ്യൂൺ.

* ഗ്രേറ്റ്‌ ഡാര്‍ക്‌ സ്പോട്ട്‌, മാന്ത്രികന്റെ കണ്ണ്‌ എന്നീ കൊടുങ്കാറ്റ്‌ മേഖലകള്‍ നെപ്റ്റ്യൂണിലാണ്‌.

* നെപ്റ്റ്യൂണിന്റെ ഏറ്റവും വലിയ ഉപഗ്രഹമാണ്‌ ട്രിറ്റണ്‍. പ്രോട്ടിയസ്‌, നെരീഡ്‌, ലാറിസ, ഗലാറ്റിയ, തലാസ്സ എന്നിവയാണ്‌ മറ്റ്‌ ഉപ്രഗഹങ്ങള്‍.

* നെപ്റ്റ്യൂണിനെ വരുണന്‍ എന്നു വിളിക്കുന്നു. 

* നെപ്റ്റ്യൂണിനു സമാനമായ ഗ്രീക്കു ദേവനാണ്‌ പോസീഡോണ്‍. റോമന്‍ പുരാണങ്ങളിലെ സമുദ്രദേവനാണ്‌ നെപ്റ്റ്യൂണ്‍.

* ഏറ്റവും കൂടുതല്‍ തണുപ്പനുഭവപ്പെടുന്ന രണ്ടാമത്തെ ഗ്രഹമാണ്‌ നെപ്സ്റ്യൂണ്‍ (മൈനസ്‌ 214).

* ശുക്രന്‍ കഴിഞ്ഞാല്‍ ഏറ്റവും വൃത്താകൃതിയുള്ള പ്രദക്ഷിണപഥമുള്ള ഗ്രഹം നെപ്റ്റ്യുണാണ്‌. ഇതിന്റെ വൃത്താകൃതിയുടെ നിരക്ക്‌ 0.0086 മാത്രമാണ്‌.

* ഏറ്റവും കുറഞ്ഞ വേഗത്തില്‍ പ്രദക്ഷിണം ചെയ്യുന്ന ഗ്രഹമാണ്‌ നെപ്റ്റ്യൂൺ.

* നെപ്സ്റ്യൂണിന്‌ സ്വയംഭ്രമണത്തിന്‌ 19.1 മണിക്കുറും പ്രദക്ഷിണത്തിന്‌ 163.72 വര്‍ഷവും ആവശ്യമാണ്‌.

പ്ലൂട്ടോ (Pluto)
* ഒന്‍പതാമത്തെ ഗ്രഹമായിരുന്നുപ്ലൂട്ടോ. 2006 ഓഗസ്ത്‌ 24ന്‌ ചെക്ക്‌ റിപ്പബ്ലിക്കിന്റെ തലസ്ഥാനമായിരുന്ന പ്രാഗില്‍ ചേര്‍ന്ന രാജ്യാന്തര ആസ്ട്രണോമിക്കല്‍ യൂണിയന്റെ സമ്മേളനം പ്ലൂട്ടോയുടെ ഗ്രഹപദവി റദ്ദാക്കി.

* പാതാള ദേവന്റെ പേരില്‍ അറിയപ്പെട്ടിരുന്ന ഗ്രഹമാണ്‌ പ്ലൂട്ടോ. 

* അമേരിക്കന്‍ വാന നിരീക്ഷകനായിരുന്ന ക്ലൈഡ്‌ ടോംബോയാണ്‌ 1930-ല്‍ പ്ളൂട്ടോ കണ്ടുപിടിച്ചത്‌.

* ഇപ്പോള്‍ പ്ലൂട്ടോ കുള്ളന്‍ ഗ്രഹങ്ങളുടെ പട്ടികയിലാണ്‌.

* പ്ലൂട്ടോയെയും ഉപഗ്രഹങ്ങളെയും കുറിച്ച്‌ പഠിക്കാന്‍ 2006 ജനുവരി 9ന്‌ വിക്ഷേപിച്ചതാണ്‌ ന്യു ഹൊറൈസൈണ്‍സ്‌.

ചന്ദ്രൻ (Moon)
* ഭൂമിയുടെ ഏക ഉപഗ്രഹമായ ചന്ദ്രന് നിരവധി സവിശേഷതകളുണ്ട്‌.

* ലാറ്റിന്‍ ഭാഷയില്‍ ചന്ദ്രന്റെ പേര്‌ ലൂണ എന്നാണ്‌.

* ഇംഗ്ളീഷില്‍ ചന്ദ്രനുമായി ബന്ധപ്പെട്ട നാമവിശേഷണം lunar ആണ്‌. ലാറ്റിന്‍ ഭാഷയില്‍നിന്നാണ്‌ ഇതിന്റെ ഉദ്ഭവം. പ്രചാരം കുറഞ്ഞ മറ്റൊരു നാമവിശേഷണമായ Selene ന്റെ ഉദ്ഭവം ഗ്രീക്കില്‍നിന്നാണ്‌.

* ചന്ദ്രനെക്കുറിച്ചുള്ള പഠനം Selenography.
* സൌരയുഥത്തിലെ ഉപഗ്രഹങ്ങളില്‍ വലുപ്പത്തില്‍ അഞ്ചാംസ്ഥാനം. എന്നാല്‍, മാതൃഗ്രഹവുമായി താരതമ്യം ചെയ്യുമ്പോള്‍ ഏറ്റവും വലിയ ഉപഗ്രഹം. 

* ഭൂമിയുടെ നാലിലൊന്നു വ്യാസണ്ടെങ്കിലും പിണ്ഡത്തിന്റെ കാര്യത്തില്‍ എണ്‍പത്തിയൊന്നില്‍ ഒരു ഭാഗമാണുള്ളത്‌.

* ഭൂമിയുടെ ഗുരുത്വാകര്‍ഷണത്തിന്റെ ആറിലൊന്നാണ്‌ ചന്ദ്രനുള്ളത്‌. ഭൂമിയില്‍ 60 കിലോ ഭാരമുള്ള ഒരു വസ്തുവിന്റെ ച്രന്ദനിലെ ഭാരം10 കിലോഗ്രാം ആയിരിക്കും.

* ഉപഗ്രഹങ്ങള്‍ക്കിടയില്‍ ചന്ദ്രന്‌ വലുപ്പത്തില്‍ അഞ്ചാംസ്ഥാനമാണ്‌. ഗാനിമീഡ്‌, ടൈറ്റന്‍, കാലിസ്റ്റോ, ഇയോ എന്നിവയാണ്‌ ച്രന്ദനെക്കാള്‍ വലുപ്പമുള്ള ഉപഗ്രഹങ്ങള്‍.

* വ്യാഴത്തിന്റെ ഉപഗ്രഹമായ അയോ (3.5227) കഴിഞ്ഞാല്‍ ഏറ്റവും സാന്ദ്രത കൂടിയ ഉപഗ്രഹമാണ്‌ ചന്ദ്രന്‍ (3.346 ). 

* 27.3 ദിവസംകൊണ്ട്‌ ചന്ദ്രന്‍ ഭൂമിയ്ക്കുചുറ്റും ഒരു പ്രദക്ഷിണം പൂര്‍ത്തിയാക്കുമെങ്കിലും ഭൂമിയും സ്വന്തം പ്രദക്ഷിണപദത്തില്‍ സൂര്യനുചുറ്റും നിങ്ങുന്നതിനാല്‍ ചന്ദ്രന്റെ പൂര്‍വനില ആവര്‍ത്തിക്കുന്നതിന്‌ 29.5 ദിവസം വേണം.

* മനുഷ്യന്‍ സന്ദര്‍ശിചിട്ടുള്ള ഏക അന്യഗോളമാണ്‌ ചന്ദ്രന്‍. 

* 1969 ജൂലായ്‌ 21നാണ്‌ മനുഷ്യന്‍ ആദ്യമായി ചന്ദ്രനില്‍ കാലുകുത്തിയത്‌. അപ്പോളോ 11 എന്ന പേടകമാണ്‌ അതിന്‌ ഉപയോഗിച്ചത്‌. സാറ്റേണ്‍ ഫൈവ്‌ എന്ന റോക്കറ്റ്‌ ഉപയോഗിച്ചാണ്‌ അപ്പോളോ 11 -നെ വിക്ഷേപിച്ചത്‌.

* ചന്ദ്രനില്‍ ലാന്‍ഡ്‌ ചെയ്ത ആദ്യ മനുഷ്യനിര്‍മിത വസ്തു ലൂണ-2 ആണ്‌.

* ചന്ദ്രനെ മനുഷ്യന്‍ പ്രദക്ഷിണം ചെയ്ത ആദ്യത്തെ ദൗത്യപേടകമാണ്‌ അപ്പോളോ 8 (1968).

* 1972 നുശേഷം ആളില്ലാ ദൗത്യപേടകങ്ങള്‍ മാത്രമേ ചന്ദ്രനില്‍ ലാന്‍ഡ്‌ ചെയ്തിട്ടുള്ളു.

* ചന്ദ്രനില്‍ ദേശീയ പതാക പതിപ്പിച്ച നാലാമത്തെ രാജ്യമാണ്‌ ഇന്ത്യ.

* ചന്ദ്രനില്‍ ലാന്‍ഡുചെയ്ത ആളില്ലാത്ത ആദ്യത്തെ ബഹിരാകാശപേടകം സോവിയറ്റ്‌ യൂണിയന്റെ ലൂണയാണ്‌.

* ചന്ദ്രനിലെത്തിയ ആദ്യ വ്യക്തി അമേരിക്കക്കാരനായ നീല്‍ ആംസ്ട്രോങാണ്‌. എഡ്വിൻ ആല്‍ഡ്രിനാണ്‌ അദ്ദേഹത്തിന്റെ ഒപ്പമിറങ്ങിയത്‌. അവരുടെ സഹയാത്രികനായ മൈക്കല്‍ കോളിന്‍സ്‌ അതേ സമയത്ത്‌ ബഹിരാകാശ 
വാഹനത്തില്‍ ചന്ദ്രനെ പ്രദക്ഷിണം ചെയ്തു.

* സുര്യന്‍ കഴിഞ്ഞാല്‍ ആകാശത്ത്‌ കാണുന്ന ഏറ്റവും തിളക്കമുള്ള വസ്തു ച്രന്ദനാണ്‌. ച്രന്ദന്റെ പ്രതലം ഇരുണ്ടതാണെങ്കിലും സൂര്യപ്രകാശം പ്രതിഫലനമാണ്‌ അതിനെ തിളക്കമുള്ളതാക്കുന്നത്‌.

* കല, സാഹിത്യം, ഭാഷ, പഞ്ചാംഗം എന്നിവയിലെല്ലാം ചന്ദ്രന്റെ സ്വാധീനം കാണാം.

* ചന്ദ്രനില്‍നിന്ന്‌ നോക്കുന്നയാള്‍ക്ക്‌ ആകാശം കറുപ്പായി തോന്നും.

* മൗണ്ട്‌ ഹാഡ്‌ലി, മൌണ്ട്‌ ബ്രാഡ്‌ലി, മൗണ്ട് ഹൈജന്‍സ്‌, മൌണ്ട്‌ ആഗ്നസ്‌ എന്നിവ ച്രന്ദനില്‍ സ്ഥിതിചെയ്യുന്ന പര്‍വതങ്ങളാണ്‌.

* ചന്ദ്രന്റെ പ്രായം 4.5 ബില്യണ്‍ വര്‍ഷമാണ്‌.

* ഭൂമിയോട് ഏറ്റവും അടുത്തുവരുമ്പോള്‍ ചന്ദ്രനും ഭൂമിയുമായുള്ള അകലം 363,104 കിലോമീറ്ററും ഏറ്റവും അകലെയായിരിക്കുമ്പോള്‍ 405,696 കിലോമീറ്ററുമാണ്‌.

* ഭൂമിയും ചന്ദ്രനുമായുള്ള ശരാശരി അകലം 3.84 ലക്ഷം കിലോമീറ്ററാണ്‌. ഇത്രയും ദൂരം സഞ്ചരിക്കാന്‍ പ്രകാശത്തിന്‌ 1.3 സെക്കന്റ്‌ വേണം.

* പ്രദക്ഷിണത്തിനാവശ്യമായ സമയം 27 ദിവസം 7 മണിക്കൂര്‍ 44 മിനിട്ട്‌ 2.9 സെക്കന്റ്‌.

* പ്രദക്ഷിണപഥത്തിലെ ശരാശരി വേഗം 1.022 കിലോമീറ്ററാണ്‌. മണിക്കൂറില്‍ 3,683 കി.മീ വേഗത്തിലാണ്‌ ചന്ദ്രന്റെ പ്രയാണം.

* ശരാശരി ആരം 1,737.10 കിലോമീറ്റര്‍. മധ്യരേഖയിലൂടെയുള്ള ആരം 1,738.14 കിലോമീറ്റര്‍. ധ്രുവപ്രദേശങ്ങളിലൂടെയുള്ള ആരം 1,735.97 കിലോമീറ്റര്‍.

* മധ്യരേഖാ പ്രദേശത്തുകൂടിയുള്ള ചുറ്റളവ്‌ 10,921 കിലോമീറ്റര്‍.

* പലായന പ്രവേഗം അഥവാ എസ്‌കേപ്പ്‌ വെലോസിറ്റി 2.38 കിലോമീറ്റര്‍ പ്രതി സെക്കന്റ്‌.

* ചന്ദ്രന്റെ അച്ചുതണ്ടിന്റെ ചരിവ്‌ വെറും 1.54 ഡിഗ്രിമാത്രമാണ്‌ (ഭൂമിയുടേത്‌ 23.44 ഡിഗ്രി).

ചന്ദ്രഗ്രഹണവും സൂര്യഗ്രഹണവും
* ചന്ദ്രഗ്രഹണസമയത്ത്‌ ഭൂമി സൂര്യനും ചന്ദ്രനുമിടയ്ക്ക്‌വരും. 

* സൂര്യ ഗ്രഹണസമയത്ത്‌ ഭൂമിക്കും സുര്യനുമിടയ്ക്ക്‌ ചന്ദ്രന്‍ വരും.

സൌരയൂഥത്തിലെ മറ്റംഗങ്ങള്‍
* സൌരയൂഥത്തിലെ കുള്ളന്‍ ഗ്രഹങ്ങളാണ്‌ സിറിസ്‌, പ്ലൂട്ടോ, ഹൌമിയ, മേക്ക്മേക്ക്‌, ഈറിസ്‌ എന്നിവ.

* ഏറ്റവും വലിയ കുള്ളന്‍ ഗ്രഹമാണ്‌ ഇറിസ്‌. സുര്യനെ നേരിട്ട്‌ പ്രദക്ഷിണംചെയ്യുന്ന ഗോളങ്ങളില്‍ പിണ്ഡത്തില്‍ ഒന്‍പതാം സ്ഥാനമുണ്ട്‌. 

* ഡിഡ്‌നോമിയയാണ്‌ ഈറിസിന്റെ ഉപഗ്രഹം.

* സൌരയുഥത്തില്‍ അറിയപ്പെടുന്ന ഏറ്റവും അകലയുള്ള വസ്തുക്കളാണ്‌ ഈറിസും ഡിസ്‌നോമിയയും.

* 2003 യു ബി 313 എന്നായിരുന്നു ഈറിസിന്റെ ആദ്യ നാമം.

* മൈക്ക്‌ ബ്രൗണും കൂട്ടരും 2005 ലാണ്‌ ഈറിസിനെ ആദ്യമായി കണ്ടെത്തിയത്‌.

* കുള്ളന്‍ ഗ്രഹമായ പ്ലൂട്ടോയുടെ ഉപഗ്രഹങ്ങളാണ്‌ കെയ്റോണ്‍, ഹൈഡ്ര, നിക്സ്‌ എന്നിവ. 

KeralaPSCTips.Com
KeralaPSCTips.Comhttps://www.keralapsctips.com
keralapsctips.com is one of the leading Online Kerala PSC Training Institute. If you are preparing for Kerala PSC Exam and not have enough Time to go for Classroom training then KeralaPSCtips.com will be your Best Solutions. For Course Related Enquire email us at keralapsctips.com@gmail.com
RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img
- Advertisment -

Most Popular

Recent Comments